الا ان نصر الله قريب

2023-12-14 23:49:01
أمد/

انتظار النصر عل تلفزيون مع فنجان قهوه …

النصر لا يأتي ديلفري او مع ال DHL….او بترديد آمين كل ما واحد قال يا رب نصرك الذي وعدت …

ربنا مزبوط وعد بس حط شروط للوفاء..

بدك تقوم وتتحزم وشد حالك وتنسي الأموال والنسوان والبنين والسيارات والعقارات وتروح مشان تجيب النصر 

بدك تقوم في البرد والسقعه وتروح ترفع العلم وتشارك في المسيرات والمظاهرات والوقفات 

بدك تصرخ في وجه الظالم وتقول كفي 

بدك تتبرع وتنفق وتدفع وتشارك بما استطعت ..

بدك تروح تروح تجيب النصر وعلى الاقل 

بدكاش تقعد تشكك وتحبط وتتمنيك..

بدكاش تعمل اكفي الناس اللي بيعملوا شرك 

سد بوزك اخرس يخرب بيت اهلك ..

اكسب اجر الساكت..

النصر ما بييجي لحدا بده شغل وبده زلام وضعوا روحهم على الاكف وذهبوا لياتوا به 

اذا مش شايف او مش فاهم شوف غزه ..

غزه ذهبت لتاتي بالنصر ذهبت بالطوفان بكل ما لديها لم تبق ولم تذر ذهبت بالانفس والثمرات مشان تعيشوا بعد هيك اوادم ..

غزه عرفت ما هو وعد الله وقرات جيدا 

ان تنصروا الله ينصركم ويثبت اقدامكم…

غزه في طريقها لنصرة الله وعندها يقينا لن يخذل الله وعده وستعود غزه منصوره مظفره فائزه …..الا ان نصر الله قريب …